Prumèr deus 4 pielars d'aqueth projècte occitano-aragonés : tornar vita a instruments deu passat.
Entà revitalizar la fabricacion d'instruments istorics e assegurar la transmission d'aqueth eretatge dens l'Oèst pirenenc, los partenaris qu'an iniciat ua fasa de documentacion suu tamborin a còrdas - emblèma d'aqueth patrimòni comun -, a partir de l'iconografia istorica europèa (estatuari, frescas, retaules…).
Au començar de mai de 2026, que's son arretrobats a Saragossa entà un Seminari transdisciplinari, dens los locaus e lo talhèr de l'Escòla de Luteria. Aus costats d'artistas, lutèrs e practicians expèrts, qu'an seleccionat 5 modèles de tamborins a re-crear.
La fabricacion que's debana tot l'estiu, despuish Saragossa. Parallèlament, los partenaris que tribalhan a la creacion d'ua banca numerica de samples : en linha, que permeterà de partatjar los escantilhs tindaires produsits per aqueths instruments entà que los artistas contemporanèus se'n poscan sasir e los inscríver dens las lors creacions.
Rendètz-vse a viéner : aqueste abor
Ne saber mei suu sostien d'Euròpa a la cooperacion transfrontalèra :
Lo seminari deus beneficiaris deu 2au aperet a projèctes POCTEFA