Planvenguda suu site web deu projècte transfrontalèr POCTEFA RECCONNECT-INSPIR. Aquera iniciativa qu'ei estada creada dab com mission fondamentau de valorizar, sauvaguardar e revitalizar lo ric patrimòni musicau deus Pirenèus, element viu e essenciau de las practicas rituaus, hestivas e artisanaus de part e d'auta de la frontèra franco-espanhòla
D'ua durada de 24 mes (de seteme de 2025 dinc a agost de 2027), lo projècte qu'amassa un consòrci qualificat de cercaires, lutèrs, artistas e comunautats de la region pirenenca. Amassa, qu'obram a recuperar, documentar, valorizar e transméter los sabers tradicionaus ligats a la fabricacion istorica deus instruments de musica, a la lor recreacion artisanau e a la lor aplicacion dens los navèths ecosistèmas numerics.
Tornar bastir : recercar e recrear instruments a còrdas istorics, a partir d'exemplars ancians originaus.
Crear : generar ua banca numerica gratuita e accessibla en linha, d'escantilhs d'instruments pirenencs entà enriquir la creacion musicau contemporanèa.
Connectar : ahortir la cooperacion transfrontalèra enter los teishuts culturaus aragonés e occitans.
Entidaz Sozias d’o Proyeuto:
